Bıllı Djın Kıng kýbogy: Qazaqstan men Kanada quramalarynda kimder oınaıdy
ASTANA. KAZINFORM — 10-11 sáýirde Astana qalasyndaǵy Beeline Arena korttarynda Bıllı Djın Kıng kýbogy aıasynda tennısten Qazaqstan áıelder quramasy Kanadamen synǵa túsedi.
Qazaqstan tennıs federatsııasynyń baspasóz qyzmetinen málim etkenindeı, atalmysh matchta el namysyn qorǵaıtyn tennısshiler anyqtaldy.
Komandanyń jańartylǵan quramyna tájirıbeli, sondaı-aq jas oıynshylar endi:
— Anna Danılına (juptyq syn, № 6 WTA);
— ıÝlııa Pýtıntseva (№ 76 WTA);
— Jibek Qulambaeva (juptyq syn, № 178 WTA);
— Arýjan Saǵyndyqova (№ 871 WTA);
— Sonıa Jıenbaeva (№ 1018 WTA).
Ulttyq qurama kóshbasshysy, álemniń 3-raketkasy Elena Rybakına bul kezdesýge qatyspaıdy. Bul sheshim Qazaqstan tennıs federatsııasy, sportshy men onyń bapkerlik shtabymen qabyldandy. Elenanyń bıylǵy basty maqsaty — álemniń birinshi raketkasy ataný úshin talasý. Eger qazaqstandyq tennısshi WTA reıtıngisinde kósh bastasa, bul Qazaqstan úshin tarıhı tabys bolmaq. Sondyqtan barlyq kúsh osyǵan jumyldyrylǵan.
Bıllı Djın Kıng reıtıngisinde 4-oryndaǵy Kanada quramasy — 2023 jylǵy týrnır jeńimpazy, bıylǵy favorıtterdiń biri.
Soltústikamerıkalyq komanda Astanaǵa myna quramda kelmek:
— Vıktorııa Mboko (№ 10 WTA),
— Gabrıela Dabrovskı (juptyq syn, № 2 WTA),
— Marına Stakýsıch (№ 130 WTA),
— Bıanka Andreeský (№ 165 WTA, juptyq synda 160-oryn),
— Kaıla Kross (№ 194 WTA, juptyq synda 131-oryn).
Match jeńimpazy komandalyq álem chempıonatynyń fınaldyq kezeńine joldama alady.
Eske sala keteıik, budan buryn Indıan-Ýells týrnırinde Anna Danılınanyń fınalǵa shyǵý úshin talasatynyn jazǵan bolatynbyz.
Sondaı-aq shırek fınalǵa shyqqan Elena Rybakına ótken jylǵy kórsetkishin jaqsartty.
