Bıllı Djın Kıng kýbogy: Qazaqstan quramasy jartylaı fınaldan tys qaldy
ASTANA. KAZINFORM – Qytaıdyń Shenchjen qalasynda Qazaqstan áıelder quramasy Bıllı Djın Kıng kýbogynyń jartylaı fınalyna shyǵa almady.
Bes dúrkin álem chempıony Ispanııamen shırek fınaldyq matchta jekeleı syndaǵy eki kezdesýden keıin esep teń edi – 1:1.
Anna Danılına – Jibek Qulambaeva juptyq synda ıspanııalyqtar Krıstına Býksha – Sara Sorrıbes Tormomen sheshýshi upaıdy sarapqa saldy.
Birinshi partııada ıspanııalyq dýet 5:1 esebimen alǵa ketti. Qazaqstandyqtar esepti sál qysqartqanymen, odan árige shamasy jetpedi – 2:6.
Ekinshi sette Jibek pen Anna 2:0 esebimen alǵa shyqqanymen, ıspanııalyqtar tarazy basyn teńestirip úlgerdi. Aqyry jeńis Ispanııa quramasynyń enshisinde ketti – 7:5.
Eki saǵat 5 mınýtqa sozylǵan tartysty báseke barysynda qazaqstandyq jup 1 eıs jasap, 22 breık-poınttyń tek ekeýin ǵana paıdalandy. Ispanııalyq jup 2 eıs, 5 breıkpen (9 breık-poınt) kózge tústi.
Oıyn barysynda Jibek Qulambaevanyń barynsha jaqsy óner kórsetkenin aıtý kerek.
Osylaısha, esepti 2:1-ge jetkizgen Ispanııa quramasy jartylaı fınalǵa joldama aldy.
Eske sala keteıik, budan buryn Bıllı Djın Kıng kýbogynda Qazaqstan quramasy Ispanııa komandasyn jeńe ala ma, sony jazǵan edik.
Bıllı Djın Kıng kýbogynda Qazaqstan – Ispanııa matchynda Pýtıntseva tarazy basyn teńestirdi.
