Bıllı Djın Kıng kýbogy: Qazaqstan quramasy Ispanııamen oınaıdy
ASTANA. KAZINFORM — Qytaıdyń Shenchjen qalasynda 22-27 qyrkúıekte ótetin komandalyq álem chempıonaty – Bıllı Djın Kıng kýbogynyń fınaldyq kezeńindegi Qazaqstan áıelder quramasynyń qarsylasy anyqtaldy.
Qazaqstan tennıs federatsııasynan málim etkenindeı, jerebe qorytyndysyna sáıkes qazaqstandyqtar ¼ fınalda Ispanııa quramasymen sheberlik baıqasady.
Sondaı-aq shırek fınalda Italııa Qytaımen, Ýkraına Belgııamen, Chehııa Ulybrıtanııamen oınaıdy.
Ár match úsh oıynnan: eki jekeleı jáne bir juptyq kezdesýden turady.
Ótken jyly komandalyq álem chempıonatynda Italııa quramasy úzdik shyqqan bolatyn.
Bıyl qazaqstandyq tennısshi qyzdar sáýirde elordada irikteý matchynda Kanadany 3:1 esebimen utyp, fınaldyq kezeńge joldama alǵan edi.
Eske sala keteıik, budan buryn Anna Danılınanyń London týrnıriniń shırek fınalyna shyqqanyn jazǵan edik.
Sondaı-aq Aleksandr Býblık Shtýtgarttaǵy týrnırde germanııalyq tennısshiden ese qaıyrdy.
