Bıllı Djın Kıng kýbogy: Qazaqstan quramasy Ispanııa komandasyn jeńe ala ma
ASTANA. KAZINFORM — Búgin Qytaıdyń Shenchjen qalasynda tennısten Qazaqstan áıelder quramasy Bıllı Djın Kıng kýbogynyń shırek fınalynda Ispanııa komandasymen oınaıdy.
Qazaqstan tennıs federatsııasynan málim etkenindeı, atalmysh match Qazaqstan ýaqytymen saǵat 14.00-de bastalady.
Qazaqstan quramasy Bıllı Djın Kıng kýbogynyń fınaldyq kezeńine osymen tórtinshi ret qatysyp otyr. Buǵan deıin qazaqstandyq tennısshiler 2022, 2023 jáne 2025 jyldary osy kezeńde óner kórsetti. Ótken jyly qurama shırek fınalda AQSh komandasyna 1:2 esebimen jol bergen bolatyn.
Qazirgi tańda Qazaqstan ulttyq quramalar reıtınginde jetinshi orynda tur, al Ispanııa tórtinshi satyda ornalasqan. Týrnırdiń bes dúrkin jeńimpazy atanǵan ıspanııalyqtar sońǵy ret 1998 jyly úzdik shyqqan.
Qazaqstandyq tennısshiler sáýir aıynda Astanada Kanada quramasyn 3:1 esebimen jeńip, jarystyń fınaldyq kezeńine joldama alǵan edi. ıÝlııa Pýtıntseva jekeleı synda eki ret jeńiske jetse, Anna Danılına men Jibek Qulambaeva juptyq kezdesýde komanda qorjynyna taǵy bir upaı qosty. Al Ispanııa quramasy irikteý kezeńinde Slovenııany dál osyndaı 3:1 esebimen jeńdi.
Qazaqstan namysyn bul joly ıÝlııa Pýtıntseva, Anna Danılına, Jibek Qulambaeva jáne Sonıa Jıenbaeva qorǵaıdy. Komanda kapıtany — ıÝrıı Şýkın.
ıÝ.Pýtıntseva Bıllı Djın Kıng kýbogynda jekeleı synda eń kóp, 24 ret jeńiske jetken qazaqstandyq tennısshi sanalady. Jalpy týrnırde ıÝlııa 27 matchta qarsylastarynan basym túsken. Taǵy bir utys oǵan Galına Voskoboevanyń jalpy jeńister sany boıynsha ulttyq rekordyn qaıtalaýǵa múmkindik beredi.
Ispanııa quramasynyń sapynda Krıstına Býksha, Keıtlın Kevedo, Djessıka Býzas Maneıro, Marına Bassols Rıbera jáne Sara Sorrıbes Tormo bar. Komanda kapıtany — Karla Sýares Navarro. Býksha WTA reıtınginde jekeleı synda 35-inshi, al juptyq synda 14-orynda tur. Qazaqstan men Ispanııa arasyndaǵy match eki jekeleı jáne bir juptyq matchtan turady. Kelesi kezeńge ótý úshin komanda eki kezdesýde jeńiske jetýi qajet.
Bul kezdesýdiń jeńimpazy 25 qyrkúıekte ótetin jartylaı fınalda Chehııa komandasymen kezdesedi. Chehııalyqtar shırek fınalda Ulybrıtanııany 2:0 esebimen tize búktirdi.
Shenchjen qalasynda 22-27 qyrkúıekte ótip jatqan Bıllı Djın Kıng kýbogynyń fınaldyq kezeńinde álemniń segiz ulttyq quramasy baq synap jatyr.
Eske sala keteıik, budan buryn Prezıdenttiń Elena Rybakınany tennısten AQSh ashyq chempıonatyndaǵy jeńisimen quttyqtaǵanyn jazǵan edik.
