Bıllı Djın Kıng kýbogy: Qazaqstan quramasy fınaldyq kezeńge joldama aldy
ASTANA. KAZINFORM – Astana qalasynda Bıllı Djın Kıng kýbogy aıasynda Qazaqstan – Kanada matchynda jeńimpaz anyqtaldy.
Búgin jekeleı synda Qazaqstannyń ekinshi, álemniń 74-raketkasy ıÝlııa Pýtıntseva reıtıngide 130-oryndaǵy Bıanký Andreeskýmen sheberlik baıqasty.
Kanadalyq tennısshi kezinde 4-orynǵa deıin kóterilgen, 2019 jyly AQSh chempıony bolǵan.
Birinshi partııada Andreeský 3:1 esebimen alǵa ketti. Degenmen ıÝlııa tarazy basyn teńestirip, taı-breıkte basymdylyq tanyta bildi – 7:6 (7:5). Ekinshi sette Andreeský ese qaıyrdy – 6:3.
Sheshýshi, úshinshi partııada taı-breıkte ıÝlııa jeńisti julyp aldy – 7:6 (7:4).
Úsh saǵat 40 mınýtqa sozylǵan asa tartysty matchta Pýtıntseva 3 eıspen birge 7 breık-poınttyń tórteýin óz esebine jazdy. Andreeský 2 eıs, 5 breıkpen (14 breık-poınt) kózge tústi. Osylaısha, Pýtıntseva esepti 3:1-ge jetkizdi.
Sóıtip Qazaqstan áıelder quramasy 22-27 qyrkúıekte Qytaıdyń Shenchjen qalasynda ótetin Bıllı Djın Kıng kýbogynyń fınaldyq kezeńine joldama aldy.
Eske sala keteıik, budan buryn Bıllı Djın Kıng kýbogynda ıÝlııa Pýtıntsevanyń jarysty jeńispen bastaǵanyn jazǵanbyz.
Bıllı Djın Kıng kýbogynda Kanadamen matchta Qazaqstan quramasy alǵa shyqty.
