Bıllı Djın Kıng kýbogy: Qazaqstan — Ispanııa matchynda Pýtıntseva tarazy basyn teńestirdi
ASTANA. KAZINFORM — Qytaıdyń Shenchjen qalasynda Bıllı Djın Kıng kýbogy aıasynda Qazaqstan áıelder quramasy Ispanııa komandasymen shırek fınaldyq matchyn ótkizip jatyr.
Kortqa áýeli Qazaqstannan reıtıngide 384-oryndaǵy, 20 jastaǵy Sonıa Jıenbaeva men Ispanııadan álemniń 93-raketkasy Djessıka Býzas Maneıro shyqty.
Bul oıynda tájirıbesi kóbirek ıspanııalyq tennısshi 6:2, 6:2 esebimen jeńiske jetti.
Ekinshi oıynda reıtıngide 78-satydaǵy ıÝlııa Pýtıntseva álemniń 35-raketkasy Krıstına Býkshaǵa qarsy keldi.
Birinshi partııada qazaqstandyq sportshy 6:2 esebimen basym tústi. Ekinshisinde Krıstına Býksha ese qaıyrdy — 6:3. Úshinshi, sheshýshi sette ıÝlııa Pýtıntseva bet qaratpady — 6:1.
Eki saǵatqa jýyq ýaqytqa sozylǵan tartysty básekede ıÝlııa 5 eıspen birge 7 breık-poınttyń beseýin qur jibergen joq. Býksha 2 breıkpen (4 breık-poınt) shekteldi.
Osylaısha, Qazaqstan — Ispanııa matchynda esep teńesti — 1:1.
Match taǵdyry endi juptyq synda sheshiledi. Anna Danılına — Jibek Qulambaeva ıspanııalyqtar Krıstına Býksha — Sara Sorrıbes Tormomen kezdesedi.
Eske sala keteıik, budan buryn Bıllı Djın Kıng kýbogynda Qazaqstan quramasy Ispanııa komandasyn jeńe ala ma, sony jazǵan edik.
