Bıllı Djın Kıng kýbogy: Qazaqstan – AQSh matchynda kimder oınaıtyny belgili boldy
ASTANA. KAZINFORM – Qytaıdyń Shenchjen qalasynda ótip jatqan Bıllı Djın Kıng kýbogynyń fınaldyq kezeńinde Qazaqstan – AQSh matchynyń jerebesi tartyldy.
Komandalyq álem chempıonatynyń shırek fınalynda qos quramanyń arasyndaǵy kezdesý 18 qyrkúıekke belgilengen.
Básekeni álemdik reıtıngide 61-oryndaǵy ıÝlııa Pýtıntseva men álemniń 18-raketkasy Emma Navarro bastaıdy. Qos tennısshi osyǵan deıin ózara kezdespegen.
Budan keıin Qazaqstannyń birinshi, álemniń 10-raketkasy Elena Rybakına men reıtıngide 7-satydaǵy Djessıka Pegýlaǵa kezek keledi. Budan buryn Pegýla Rybakınany úsh ret jeńip, bireýinde jeńilgen.
Jarys favorıtteriniń biri AQSh juptyq synda da myqty. Teılor Taýnsend álemdik reıtıngide kósh bastasa, oǵan Makkartnı Kessler kómektesedi. Degenmen qazaqstandyqtar Anna Danılına - Jibek Qulambaevaǵa úmit artady.
Eske sala keteıik, budan buryn Anna Danılınanyń AQSh komandasymen básekede baryn salatyny jóninde aıtqanyn jazǵan edik.
Sondaı-aq Elena Rybakına AQSh myqty qurama bolǵanymen, Qazaqstanda da múmkindik bar ekenin jetkizdi.