Bıllı Djın Kıng kýbogy: Qazaqstan AQSh quramasyna jol berdi

ASTANA. KAZINFORM – Qytaıdyń Shenchjen qalasynda tennısten Bıllı Djın Kıng kýbogynyń shırek fınalynda Qazaqstan – AQSh matchy aıaqtaldy.

Sońǵy ári sheshýshi kezdesýde Qazaqstan quramasy Elena Rybakına men ıÝlııa Pýtıntsevaǵa senim artty.

AQSh álemniń juptyq syndaǵy birinshi raketkasy Teılor Taýnsend pen Djessıka Pegýlany shyǵardy.

Bastapqy partııada qos breıkke qol jetkizgen amerıkalyq dýet basymdylyq tanytty – 6:2.

Ekinshi sette qazaqstandyqtar 4:1 esebimen alǵa ketkenimen, Taýnsend – Pegýla tarazy basyn teńestirdi – 4:4. Taı-breıkte amerıkalyqtar kúsh alyp ketti – 7:6 (7:1).

Bir saǵat 22 mınýtqa sozylǵan básekede Rybakına – Pýtıntseva 4 eıspen birge 8 breık-poınttyń bireýin ǵana paıdalandy. Pegýla – Taýnsend 4 eıs, 3 breıkpen (8 breık-poınt) kózge tústi.

Osylaısha, Qazaqstan quramasy komandalyq álem chempıonatynda 18 ret jeńimpaz atanǵan AQSh-qa 1:2 esebimen ese jiberdi.

ıÝ.Pýtıntseva jekeleı synda Emma Navarromen ótken oıynda qos birdeı matchbolynan múlt ketpegende, Qazaqstan jeńiske jetetin edi.

Eske sala keteıik, budan buryn Bıllı Djın Kıng kýbogynda Qazaqstanmen matchta AQSh-tyń alǵa shyqqanyn jazǵan edik.

Bıllı Djın Kıng kýbogynda Qazaqstan – AQSh básekesinde Rybakına tarazy basyn teńestirdi.