Bıllı Djın Kıng kýbogy: Qazaqstan – AQSh básekesinde Rybakına tarazy basyn teńestirdi

ASTANA. KAZINFORM – Qytaıdyń Shenchjen qalasynda tennısten Bıllı Djın Kıng kýbogynyń shırek fınalynda Qazaqstan men AQSh matchynda qos qurama úzdikteri kortqa shyqty. 

Elena Rybakına álemdik reıtıngide 10, al onyń amerıkalyq qarsylasy Djessıka Pegýla 7-orynda tur.

Osyǵan deıin eki tennısshi ózara tórt ret kezdesip, sonyń úsheýinde Pegýla basym túsken edi.
Bul joly Rybakına birinshi partııany breıkpen túıindedi – 6:4. Elena ekinshi sette de 3:0 esebimen alǵa ketti. Taǵy bir breık jasap, esepti 5:1-ge jetkizdi. Sodan keıin matchqa dop bergende, múmkindigin jibergen joq – 6:1.

Bir saǵat 11 mınýtqa sozylǵan básekede E.Rybakına 9 eıspen birge 7 breık-poınttyń tórteýin óz esebine jazdy. Pegýla 1 breıkpen (4 breık-poınt) shekteldi.

Endi match taǵdyry juptyq kezdesýde sheshiledi. 

Eske sala keteıik, budan buryn Bıllı Djın Kıng kýbogynda Qazaqstanmen matchta AQSh-tyń alǵa shyqqanyn jazǵan edik.