Bıllı Djın Kıng kýbogy: Kanadamen matchta Qazaqstan quramasy alǵa shyqty
ASTANA. KAZINFORM – Astana qalasynda Bıllı Djın Kıng kýbogy aıasynda Qazaqstan – Kanada matchy ótip jatyr.
Birinshi kúnnen keıin Qazaqstan – Kanada matchynda esep teń edi – 1:1.
Betashar oıynda ıÝlııa Pýtıntseva Kaıla Krosty 6:3, 7:5 esebimen jeńse, Sonıa Jıenbaeva tartysty básekede 2019 jylǵy AQSh chempıony Bıanka Andreeskýge jol bergen edi – 4:6, 6:7 (4:7).
Senbi kúni kortqa juptyq synǵa kezek keldi. Qazaqstandyqtar Anna Danılına men Jibek Qulambaevaǵa kanadalyqtar bastapqyda belgilengen oıynshylardy ózgertip, B.Andreeský men Kaıla Krosty shyǵardy.
Birinshi partııada qazaqstandyq dýet 7:5 esebimen basym tústi. Ekinshi sette Danılına – Qulambaeva 4:0 esebimen alǵa ketti. Aqyry oıyndy jeńispen túıindeı bildi – 6:1. Saǵat jarymǵa jýyq ýaqytqa sozylǵan básekede qazaqstandyq jup 7 breık-poınttyń beseýin paıdalandy. Andreeský – Kross 1 eıs, 2 breıkpen (5 breık-poınt) shekteldi. Osylaısha, matchta Qazaqstan quramasy 2:1 esebimen alǵa shyqty.
Endi jekeleı syndaǵy eki kezdesý qaldy. Qazaqstanǵa sonyń bireýinde jeńse, jetip jatyr.
Eske sala keteıik, budan buryn Bıllı Djın Kıng kýbogynda ıÝlııa Pýtıntsevanyń jarysty jeńispen bastaǵanyn jazǵan bolatynbyz.
