Bıllı Djın Kıng kýbogynda bizdi Kolýmbııamen mańyzdy match kútip tur – ıÝrıı Şýkın

ASTANA. KAZINFORM — Tennısten Qazaqstan áıelder quramasynyń kapıtany ıÝrıı Şýkın Aýstralııanyń Brısben qalasynda Bıllı Djın Kıng kýbogy irikteý týrnıriniń alǵashqy kúnin qorytyndylady.

ıÝ.Şýkın jekeleı synda qazaqstandyq tennısshilerdiń oıynyna óte rıza ekenin jetkizdi.

Onyń aıtýynsha, bastapqy kezdesýde 6:2, 6:1 esebi tirkelgenine qaramastan, eki báseke de ońaıǵa túsken joq. Tennısshiler ár geım, ár upaı úshin tartysyp baqty. Oıyn barysy túrlishe órbip ketýi ábden múmkin edi.

— Ekinshi matchta Elena 1:5 esebimen jeńilip jatyp, oıynǵa tamasha oralyp, tarazy basyn ózine aýdara bildi. Qos kezdesýdiń sátti bitkenine qýanyshtymyn. Juptyq syn týraly aıtsaq, munda aýstralııalyqtardyń myqty ekenin biletin edik. Búgin tennısshilerimiz ońtaıly sátterdi paıdalana almady. Sóıtip, 3:6, 4:6 esebimen ese jiberdik. Soǵan qaramastan, Aýstralııany 2:1 esebimen jeńdik. Endi erteń Kolýmbııa quramasymen ótetin mańyzdy kezdesýde bar kúshimizdi salamyz, - dedi ıÝ.Şýkın. 

Eske sala keteıik, budan buryn Elena Rybakınanyń aldaǵy jarysta qazaqstandyqtardyń qoldaýy óte mańyzdy ekeni týraly aıtqanyn jazǵan bolatynbyz.

Sondaı-aq tennısten Qazaqstan quramasy Bıllı Djın Kıng týrnırinde alǵashqy matchta jeńiske jetti. Qazaqstan quramasy Aýstralııany qapy qaldyrdy.