Bıll Klınton eki Býshtyń arasynan syǵalap sýretke tústi
ASTANA. QazAqparat - AQSh-tyń burynǵy prezıdenti Bıll Klınton taıaý kúnderi Dallastaǵy kishi Djordj Býshtyń kitaphanasynda bolyp, óziniń aldynda Amerıkany basqarǵan úlken jáne kishi Djordj Býshtarǵa ornatylǵan eskertkishterdiń janynda sýretke túsken. Eki Býshtyń arasynan syǵalap turǵan Klıntonnyń qýanyshty fotosy BAQ pen áleýmettik jeli qoldanýshylaryn kúlkige bóledi.
Sýretti Tvıtterge Klıntonnyń baspasóz hatshysy ornalastyryp, «Tehasta bara-bara úlkeıip barady», dep jazǵan. Qoladan jasalǵan úlken jáne kishi Býshtar sýrette Klıntonnan bir jarym esege derlik bıik.
AQSh-tyń 42-prezıdenti bolsa, baspasóz hatshysynyń bul jazbasymen óz paraqshasynda bólisip, «tym ásire siltemeýdi» ótindi.
Internet-paıdalanýshylar kerisinshe, saıasatkerdiń ázilqoılyǵyna rıza bolýda.
