Bıll Geıts sharýa qojalyqtaryn damytýǵa 200 mıllıon dollar qarjy salady
ASTANA. 25 aqpan. QazAqparat - Microsoft-tyń burynǵy basshysy, mıllıarder Bıll Geıts álemdik ashtyqpen kúres úshin jeke sharýashylyqtardy damytýǵa aýqymdy qaıyrymdylyq járdemin kórsetetinin jarııalady, dep habarlady Ýtro.rý agenttigi.
Qarajattar jobalardy qarjylandyrýǵa, qurǵaqshylyqqa tózimdi dándi daqyldardyń jańa túrlerin shyǵarýǵa, maldy egetin vaktsınaǵa, sondaı-aq jańa jabdyqtardy qoldaný boıynsha fermerler úshin trenıngterge jumsalmaq.
«Halyqaralyq fermer sharýashylyqtary qoǵamdastyǵy taǵam ónimderi óndirisin jyl saıyn ulǵaıtý úshin ınnovatsııalarǵa muqtaj. Bizdiń maqsatymyz - kedeılik sheginde turǵan júzdegen mıllıon adamdarǵa kómektesý», - dedi Bıll Geıts Rımde ótken aýyl sharýashylyǵy konferentsııasynda.
