Bıll Geıts, «Lolıta»: Demokrattar Epshteın muraǵatynan jańa fotosýretter jarııalady
ASTANA.KAZINFORM - Ókilder palatasynyń baqylaý komıtetiniń demokrattary Djeffrı Epshteınniń úıinen alynǵan 68 fotosýretti jarııalady, dep habarlaıdy CBC News.
Demokrattardyń habarlaýynsha, bul fotosýretter komıtetke ótken aptada kelip túsken 95 000 sýrettiń qataryna qosyldy. Fotosýretterdi myna jerden kórýge bolady.
Birneshe fotosýretterden belgisiz adamdardyń dene múshelerine jazylǵan Vladımır Nabokovtyń «Lolıta» romanynyń úzindilerin kórýge bolady.
New York Times gazetiniń habarlaýynsha, Epshteın «Lolıtanyń» birinshi basylymyn Nıý-Iorktegi úıiniń kabınetinde saqtaǵan. Romanda bir er adamnyń 12 jastaǵy qyzǵa degen qumarlyǵy jáne onymen jynystyq qatynasy týraly áńgimelenedi.
Jarııalanǵan sýretterde Italııa, Lıtva, Ýkraına, Chehııa, Afrıka jáne Reseı azamattaryna tıesili ártúrli jeke kýálikter men tólqujattar bar, aqparattyń kóp bóligi óshirilgen. Demokrattar qujattardyń «Djeffrı Epshteın men onyń seriktesteri qarym-qatynasta bolǵan áıelderge» tıesili ekenin málimdedi.
Bir fotosýrette mıllıarder Bıll Geıts beti jabylǵan belgisiz áıelmen turǵany kórsetilgen.
Geıts Epshteınmen birge Geıtstiń qaıyrymdylyq isine baılanysty bir ýaqyttarda birge ýaqyt ótkizgenin aıtady. Bul onyń aıtýynsha 2021 jyǵy «úlken qatelik» boldy.
Taǵy bir fotosýrette Epshteınniń tanymal lıngvıst Noam Homskıımen birge ushaqta otyrǵany kórsetilgen.
- Birinshiden, bunyń sizderge nemese basqa bireýge qatysy joq. Ekinshiden, men ony biletinmin jáne biz anda-sanda kezdesip turatynbyz, - dep jaýap berdi Homskıı Wall Street Journal gazetiniń Epshteınmen qarym-qatynasy týraly suraqtaryna.
Fotosýretter arasynda Donald Tramptyń, AQSh-tyń burynǵy prezıdenti Bıll Klıntonnyń, AQSh-tyń burynǵy qarjy mınıstri Larrı Sammerstiń, mıllıarderler Bıll Geıts pen Rıchard Brensonnyń jáne rejısserler Výdı Allen men Stıv Bennonnyń sýretteri de boldy. Alaıda fotosýretterdiń eshqaısysynda ondaǵy tulǵalardyń Epshteın qylmysyna qatysy bary týraly aqparat joq ekeni atap ótildi. Alaıda Aq úı demokrattardy Tramp týraly «jalǵan áser qaldyrý» úshin ózderine qajetti fotosýretterdi ǵana «terip» aldy dep aıyptady.
Esterińizge sala keteıik, 2019 jyly Djeffrı Epshteın balalardy seksýaldy maqsatta satý jónindegi aıyptaýlarmen qamaýǵa alynyp, sotqa deıingi tergeý kamerasynda óz-ózine qol jumsady. Onyń ólimi sýıtsıd dep tanylǵanymen, Tramptyń keıbir jaqtastary onyń kámeletke tolmaǵan qyzdarǵa jynystyq zorlyq-zombylyq kórsetýge qatysy bar yqpaldy adamdardyń esimderin jarııalamaýy úshin óltirilgen dep sanaıdy.
Buǵan deıin Epshteın isine AQSh-tyń kórnekti tulǵalarynyń qatysy bar ekeni habarlanǵan bolatyn.
Sondaı-aq Tramp Epshteınniń qupııa faıldaryn jarııalaý týraly zańǵa qol qoıdy.