Bıll Geıts Qytaıdaǵy iri áleýmettik jelige tirkeldi
ASTANA. QazAqparat - Álemdegi eń baı adamdardyń biri sanalatyn Bıll Geıts - qoldanýshylary mıllıardqa jaqyndaǵan WeChat áleýmettik jelisine tirkeldi.
Bıll Geıts senbi kúni óziniń blogynda qytaılyq jeli qoldanýshylarymen sálemdesken, dep jazady Mashable.
Microsoft negizin qalaýshysy áleýmettik jelige ózi kezdesken adamdar jaıly, sondaı-aq oqyǵan kitaptary týraly qyzyqty derekter jarııalaıtynyn aıtqan.
WeChat-tyń kómegimen mátindik jáne aýdıo habarlamalar, sýretter men vıdeotaspalar jiberýge bolady. Odan bólek, adamdar atalmysh áleýmettik jelini shottarǵa tólem jasap, aqshalaı qarajattar jiberý úshin qoldanady. Qazirgi tańda WeChat-qa 900 mıllıonǵa jýyq adam tirkelgen. Olardyń kópshiligi bul qosymshany kún saıyn qoldanady, dep habarlaıdy Tencent-tegi qurastyrýshylar.
