Bıll Geıts Forbes nusqasy boıynsha baı amerıkandyqtardyń tizimin bastady
ASTANA. QazAqparat - Microsoft kompanııasynyń negizin qalaýshy Bıll Geıts amerıkandyq Forbes jýrnalynyń nusqasy boıynşa eń baı amerıkandyqtardyń tizimin bastady. 400 adam kirgen tıisti jyl saıynǵy reıtıng seısenbi kúni basylym saıtynda jarııaandy.
Forbes málimetteri boıynsha, Geıtstiń dáýleti 3,2 mlrd. dollarǵa qysqaryp, 76 mıllıard dollardy qurady. «Microsoft-daǵy Geıtstiń úlesi 3 paıyzǵa deıin qysqardy jáne onyń dáýletiniń 13 paıyzyn quraıdy. Qalǵany - mıllıarderdiń ártúrli saladaǵy kóptegen kásiporyndarǵa ınvestıtsııalary».
Ekinshi orynda Berkshire Hathaway ınvestıtsııalyq holdınginiń bas dırektory Ýorren Baffett 62 mlrd. dollar dáýletpen tur. Úshinshi orynda - amerıkandyq baǵdarlamamen qamtýdy jasaýshy-kompanııanyń negizin qalaýshy Oracle Larrı Ellıson. Onyń dáýleti 47,5 mlrd. dollarǵa baǵalanýda, dep jazady TASS.
Alǵashqy ondyqqa Amazon.com elektrondyq dúkeniniń bas dırektory Djeff Bezos pen Facebook áleýmettik jelisiniń basshysy Mark Tsýkerberg kirdi. Forbes málimetteri boıynsha, Bezos bir jyl ishinde óziniń dáýletin 16,5 mlrd. dollarǵa ulǵaıtty. Jyl ishinde ol 15-shi orynnan 4-shi orynǵa jyljydy, Forbes onyń dáýletin 47 mlrd. dollarǵa baǵalady. Dáýleti 40,3 mlrd. dollarǵa baǵalanǵan Tsýkerberg 10-shy orynnan 7-shy orynǵa jyljydy.
Forbes málimetterinshe, «tizimge qatysýshylardyń jıyntyq dáýleti 2,34 trıllıon dollardy quraǵan. Bul ótken jylǵydan 50 mlrd. kóp», dep atap kórsetedi basylym.
