Bıll Geıts Amerıkanyń eń baı adamy atandy
ASTANA. QazAqparat - Amerıkalyq kásipker, fılantrop jáne Microsoft kompanııasynyń negizin qalaýshylardyń biri Bıll Geıts AQSh-tyń eń baı turǵyndary tiziminiń basynda tur. Sársenbi kúni Forbes jýrnalynda jarııalanǵan reıtıng boıynsha eldegi 50 shtattyń árqaısysyndaǵy baılardyń qatarynda Bıll Geıtstiń (Vashıngtan shtaty) baılyǵy 88,9 mlrd dollarǵa baǵalanyp otyr, dep habarlaıdy reseılik TASS agenttigi.
Microsoft-tyń ortaq quryltaıshysy álem boıynsha da eń baı adam qatarynda. Vashıngtonda turatyn amerıkalyq Amazon ınternet-kompanııasynyń negizin qalaýshy Djeff Bezos shtattaǵy eń baı turǵyndar arasynda ekinshi orynǵa ıe boldy (83,3 mlrd $). Nebraskidegi eń baı turǵyn retinde ınvestor Ýorren Beffet tanyldy (76,2 mlrd $). Amerıkadaǵy eń jas baı adam retinde taǵy da Facebook áleýmettik jelisiniń negizin qalaǵan 33 jastaǵy Mark Tsýkerberg atandy, ol da Kalıfornııanyń eń dáýletti turǵyndarynyń biri. Al, Nıý-Iorktegi eń baı adam burynǵysynsha eks-mer Maıkl Blýmberg (50,7 mlrd $), Arkanzastaǵy dáýletti adam Djım Ýolton (38,5 mlrd $) - álemdegi kóterme jáne jeke saýda jelisine ıe Walmart kompanııasynyń quryltaıshysy Sem Ýoltonnyń uly. Onyń Tehas shtatynda turatyn apaıy Alısa Ýolton sol aımaqtaǵy eń baı áıelderdiń biri (38,2 mlrd $).
