Bıll Geıts álemdegi dáýletti adamdar reıtıngindegi ornyn joǵaltty
NUR-SULTAN. QazAqparat – Microsoft kompanııasynyń negizin qalaýshy Bıll Geıts álemdegi dáýletti adamdar reıtınginde úshinshi orynǵa túsip qaldy, dep habarlaıdy QazAqparat Forbes-qa silteme jasap.
Forbes reıtıngindegi ekinshi oryn frantsýz bıznesmeni, Louis Vuitton Moët Hennessy kompanııalar tobynyń prezıdenti Bernar Arnoǵa buıyrdy. Onyń dáýleti 107 mlrd dollar dep baǵalanyp otyr. Geıts 106,8 mlrd kórsetkishpen úshinshi oryndy ıelense, bul tizimde burynǵysha Amazo negizin salýshy Djeff Bezos kósh bastap tur. Onyń dáýleti 112,4 mıllıard dollar dep baǵalanýda.
Maýsymda Arnonyń ál-aýqaty alǵash ret 100 mlrd dollardan asyp, reıtıngtiń alǵashqy úshtigine birinshi ret kirgen edi.
