Bıll Geıts «aqyldy qala» salmaq
ASTANA. QazAqparat - Bıll Geıts «aqyldy qala» salýdy josparlaýda, dep habarlaıdy KPNX arnasy.
Microsoft kompanııasynyń negizin qalaýshy Bıll Geıtstiń ınvestıtsııalyq kompanııasy Belmont Partners Arızone shtatynan (AQSh) 10 myń gektar jer satyp aldy. Jerdiń quny 80 mln dollarǵa baǵalanǵan. Ol jerge atalǵan kompanııa «aqyldy qala» salmaq.
Qalada 80 myń úı men páterler boı kótermek. Onda mektep, keńseler men kommertsııalyq ǵımarattar qurylysy josparlanǵan. Alaıda qurylys jumystarynyń qashan bastalatyndyǵy belgisiz.
Aıta keteıik, Belmont Partners kompanııasy zamanaýı ozyq tehnologııalardy kommýnıkatsııa jáne ınfraqurylym baǵyttarynda qoldanýdy maqsat etedi.
