Bıll Geıts 4,6 mlrd dollaryn qaıyrymdylyqqa berdi
ASTANA. QazAqparat - Microsoft kompanııasynyń negizin qalaýshy ári álemdegi eń baı adamdardyń biri Bıll Geıts 2000 jyldan bergi óziniń eń úlken somadaǵy qaıyrymdylyq kómegin jasady. Bul jaıly Bloomberg agenttigi habarlady.
61 jastaǵy mıllıarder 6 maýsymda óz kompanııasynyń 4,6 mlrd dollar somasyndaǵy aktsııalaryn qaıyrymdylyqqa berdi. Aqshany qandaı uıym alǵandyǵy habarlanbaıdy. Bloomberg málimetinshe, fılantrop Bıll jáne Melında Geıts qoryna (Bill & Melinda Gates Foundation) anaǵurlym jomart demeýshilik jasap keledi.
Geıts 16 mlrd dollar kólemindegi aıtqysyz qaıyrymdylyq qarajatyn 1999 jyly bólgen bolatyn. Taǵy bir jyldan keıin 5,1 mlrd dollar bóldi.
Bıll Geıts álemniń eń jomart fılantroptarynyń tiziminde kósh bastap tur.
