Bıll Geıts 21-ret eń baı amerıkalyqtardyń reıtıngin bastady
ASTANA. QazAqparat - Forbes amerıkalyq jýrnaly osymen 21-ret Microsoft korporatsııasynyń negizin qalaýshy 58 jastaǵy Bıll Geıtsti AQSh-tyń eń baı mıllıarderi dep tanyp otyr, dep habarlady www.24.kz.
400 eń baı amerıkalyqtardyń jańa reıtıngi Forbes jýrnalynyń saıtynda jarııalanǵan.
2014 jyldyń 29 qyrkúıegindegi jaǵdaı boıynsha, Geıtstiń baılyǵy - 81,2 mlrd. dollarǵa teń. Tek naýryzda ǵana Forbes usynǵan málimetterge sáıkes bul kórsetkish 76 mlrd. dollardy quraǵan edi. Jańa reıtıng boıynsha Geıts meksıkalyq Karlos Slımdi (naýryzda onyń baılyǵy 72 mlrd dollarǵa teń boldy) basyp ozyp, tórt jyldyq úzilisten keıin óz tuǵyryna qaıta jaıǵasty.
Amerıkanyń 400 «shirigen baıy» tiziminde ekinshi orynǵa 67,8 mlrd. dollar dáýletimen 84 jastaǵy Ýorren Baffet ornalasty. Reıtıng kóshbasshylarynyń alǵashqy úshtigin Oracle brendiniń negizin qalaýshy Larrı Ellıson bekitti. Forbes-tyń nusqaýynsha, onyń baılyǵy 48,1 mlrd. dollar shamasynda.
