Bılikti basyp alýǵa daıyndalǵan: Qyrǵyzstannyń eks-prezıdentiniń uly qamaýǵa alyndy
ASTANA. KAZINFORM – Bishkektiń Birinshi maı aýdandyq soty Qyrǵyzstan ІІM Tergeý qyzmetiniń parlamenttik saılaýdan keıin jappaı tártipsizdik uıymdastyrýǵa daıyndalǵan kúdiktiler tobyna qatysty ótinishin qanaǵattandyrdy, dep jazady Kazinform.
Sottyń baspasóz qyzmeti taratqan málimetke sáıkes, ustalǵandar qamaýǵa alynyp, 2026 jylǵy 17 qańtarǵa deıin ÝUI-ǵa qamaldy. Olardyń arasynda Qyrǵyzstannyń eks-prezıdenti Almazbek Atambaevtyń kishi uly Qadyrbek Atambaev, «Sotsıal-demokrattar» partııasynyń músheleri, sondaı-aq burynǵy depýtattar men sheneýnikter bar.
«Sotsıal-demokrattar» partııasynyń jetekshisi Temirlan Sýltanbekov, partııa múshesi Qadyrbek Atambaev jáne eks-depýtat Kýbanychbek Qadyrov QK-niń 326-baby «Bılikti kúshtep basyp alý» boıynsha aıyptalyp otyr. Qalǵan jeti adamǵa jappaı tártipsizdik uıymdastyrý, sonyń ishinde zorlyq-zombylyq, qıratý, órt qoıý, múlikti joıý jáne atys qarýyn qoldaný faktileri boıynsha kúdik keltirilgen.
Buǵan deıin el prezıdenti Sadyr Japarov óz úndeýinde Qyrǵyzstandaǵy jaǵdaıdy destabılızatsııalaýǵa baǵyttalǵan kez kelgen áreket sátsiz bolatynyn málimdedi.
