Bılik Mıýnhendegi «boljaldy lańkestik shabýyl» týraly málimdedi

ASTANA. KAZINFORM – Beısenbi kúni Mıýnhenniń ortalyq vokzalynyń mańynda bir top adamdy kólik soǵyp ketken, saldarynan 28 adam zardap shekti, olardyń ishinde balalar da bar, dep habarlaıdy Euronews.

Bavarııanyń premer-mınıstri Markýs Zeder oqıǵanyń lańkestik áreket bolýy múmkin ekenin málimdedi. Bul aldaǵy federaldy saılaýǵa 10 kún qalǵanda qaýipsizdikke qatysty alańdaýshylyqty odan ári kúsheıtti.

Polıtsııa ókiliniń habarlaýynsha, kólik Germanııadaǵy eń iri kásipodaqtardyń biri Verdi uıymdastyrǵan demonstratsııaǵa jaqyndap, polıtsııa kóligin basyp ozyp, jınalǵandardyń arasyna kirip, ádeıi qaqqan. 

Kólik júrgizýshisi oqıǵa ornynda ustaldy, ol Aýǵanstannan pana surap kelgen 24 jastaǵy er adam bolyp shyqty. Polıtsııa ol jalǵyz áreket etti dep sanaıdy.

Juma men jeksenbi aralyǵynda Bavarııa qalasy Mıýnhen qaýipsizdik konferentsııasynda ondaǵan álemdik kóshbasshylardy qabyldaıdy, sonyń ishinde Ýkraına prezıdenti Vladımır Zelenskıı men AQSh vıtse-prezıdenti Djeı Dı Vens bar.

Buǵan deıin Mıýnhende kólik bir top jaıaý júrginshini qaǵyp ketkenin jazǵan bolatynbyz.