Bılik aýysqannan keıin 800 myńnan astam sırııalyq bosqyn eline oraldy
ASTANA. KAZINFORM — Júzdegen myń sırııalyqtyń otanyna qaıta oralýy kópjyldyq qaqtyǵystan keıingi múmkin turaqtanýdyń alǵashqy belgileriniń biri boldy, dep habarlaıdy Kazinform agenttiginiń menshikti tilshisi.
BUU Bosqyndar isi jónindegi Joǵarǵy komıssary basqarmasynyń derekterine sáıkes, 2024 jylǵy jeltoqsanda Sırııada Bashar Asadtyń bıligi qulaǵannan beri kórshi elderden shamamen 850 myń adam úılerine qaıtqan.
Joǵarǵy komıssarynyń orynbasary Kellı Klementstiń aıtýynsha, aldaǵy aptalarda oralǵandar sany 1 mıllıonǵa jetýi múmkin.
— Bul qarqyndy kezeń. Bizde sońǵy 14 jyldaǵy halyqtyń jappaı qonys aýdarýyna qatysty eń iri jahandyq máselelerdiń birin sheshýge múmkindik týyp otyr, — dedi Klements Damaskke sapary barysynda Associated Press agenttigine bergen suhbatynda.
Onyń aıtýynsha, ýaqytsha ortalyq úkimet el aýmaǵynyń basym bóligin baqylaýyna alǵannan keıin buǵan deıin el ishinde qonys aýdarǵan shamamen 1,7 mln sırııalyq ta óz qaýymdastyqtaryna qaıtyp oralǵan.
In Syria, I saw how the will to rebuild is struggling to overcome the harsh reality of destroyed homes, lack of services and jobs.
— Kelly T. Clements (@KellyTClements) September 2, 2025
Returning refugees are desperate for support.
UNHCR and partners are working with local authorities to deliver - we won’t
turn away now. pic.twitter.com/PLBR8c5oMR
2011 jylǵy naýryzda bastalǵan qaqtyǵys saldarynan shamamen jarty mıllıon adam qaza tapty jáne soǵysqa deıin 23 mln turǵyny bolǵan el halqynyń jartysy baspanasyn tastaýǵa májbúr boldy. Qaqtyǵys jyldarynda 5 mln-nan astam sırııalyq kórshi elderden, sonyń ishinde Lıvannan, Iordanııadan jáne Túrkııadan pana tapty.
Klementstiń aıtýynsha, adamdardyń dál qazir elge qaıtý sebepteri ártúrli, al keıbiri áli de kútýge beıim. Sırııa–Lıvan shekarasyna sapary kezinde ol Sırııaǵa bet alǵan adamdar men júk kólikteriniń kezegin kórgenin aıtty.
Lıvan bıligi elde zańsyz júrgen sırııalyqtardy tamyz aıynyń sońyna deıin shyǵyp ketý shartymen jazadan bosatty. Sonyń nátıjesinde sońǵy kúnderi myńdaǵan adam shekaradan ótken. Álemde jan basyna shaqqandaǵy bosqyndardy eń kóp qabyldaǵan el — Lıvan áli de negizgi ketý pýnkti bolyp otyr.
Families are returning to Tall Refaat, #Aleppo, to damaged and empty homes, with no electricity or clean water.
— UNHCR Syria (@UNHCRinSYRIA) August 11, 2025
UNHCR & @SYRedCrescent are distributing core relief items to 1,581 returnees families—mattresses, blankets, solar lamps & more—to help them start their lives again. pic.twitter.com/2zSXL0iZ7y
Sonymen qatar, sırııalyqtardyń oralýyna jańa zorlyq-zombylyq oshaqtary kedergi keltirip otyr. Naýryzda jaǵalaýda alavıtterdi jappaı óltirý oqıǵasy bolsa, shildede Sýveıda provıntsııasynda drýz qaýymynyń ókilderi qyrǵynǵa ushyrady. Tek shildeniń ózinde ǵana úkimetshil jasaqtar men drýz jaýyngerleri arasyndaǵy qaqtyǵys saldarynan Sırııanyń ońtústiginde shamamen 190 myń adam úılerin tastap ketýge májbúr boldy.
Sodan beri Sýveıdaǵa Birikken Ulttar Uıymynyń Bosqyndar isi jónindegi Joǵarǵy Komıssarynyń basqarmasynyń belsendi qatysýymen 21 gýmanıtarlyq kerýen jiberildi. Klementstiń aıtýynsha, qarýly toptardyń aptalap qorshaýda ustaǵan Damask–Sýveıda tas jolynyń qaıta ashylýy gýmanıtarlyq kómekti jetkizý úshin sheshýshi ról atqarady.
Eske sala ketsek, Sırııa 14 jylda alǵash ret munaı partııasyn eksporttady.