Bilimniń qaı salalarynda qashyqtan oqytýǵa shekteý qoıylǵan

NUR-SULTAN. QazAqparat –QR Bilim jáne ǵylym mınıstri Ashat Aımaǵambetov Úkimet otyrysynda qashyqtan oqytý boıynsha shekteý qoıylǵan salalardy atady, dep habarlaıdy QazAqparat tilshisi.

«Taǵy bir mańyzdy másele - oqýǵa túsý protsedýrasynyń ashyqtyǵy men ádildigin qamtamasyz etý. Osy maqsatpen biz bıyl UBT-nyń jańa júıesin engizdik. 2021 jyly elimizde alǵash ret UBT «1 kompıýter – 1 kamera – 1 testilenýshi» prıntsıpi boıynsha elektrondy formatta ótkizildi. Oǵan qosa testte faktologııalyq bilimdi tekserýden oılaý qabiletin, saýatyn anyqtaý úshin test tapsyrmalary jańartyldy», - degen mınıstr magıstratýraǵa túsý jáne doktorantýraǵa emtıhan tapsyrý úshin testileýdiń kompıýterlik formaty engizilgenin atady.

Onyń paıymynsha, pandemııadan keıingi kezeńde de qashyqtan oqytý trendi saqtalady.

«Sondyqtan joǵary oqý oryndarynda tsıfrlyq ekojúıe qalyptastyrý, LMS platformalar, vırtýaldy zerthanalar, proktorıng júıeleri keńinen engizilip jatyr. Sapany qamtamasyz etý úshin bilim, medıtsına, avıatsııa, qurylys, óner, áskerı is sııaqty baǵyttar úshin qashyqtan beriletin sabaqtardyń úlesi 20%-dan aspaýy kerek. Osyndaı shekteý qoıyldy», - dedi vedomstvo basshysy.