Bilimniń báseke qabilettiligi ekonomıkanyń ósýine ákeledi - senator
ALMATY. QazAqparat - Elbasy Joldaýynda aıtylǵan bilimniń báseke qabilettiligi, adam kapıtalyn damytý ekonomıkanyń ósýine ákeledi. Bul týraly búgin Almatyda QR Parlament Senatynyń depýtaty Dınar Núketaeva QazAqparat tilshisine aıtty.
«Elbasy joldaýy halyqtyń kóńilinen shyǵyp jatyr. Ásirese áleýmettik máselege baılanysty problemalar jaqsy kóterilgen. Men ózim kezinde pedagogıkalyq saladan eńbek etken shyqqan azamat retinde Elbasy joldaýynda pedagogıka salasyna kerekti óte ózekti máseleler kóterilgenin atap ótkim keledi. Bilimniń báseke qabilettiligi, adamı kapıtaldy damytý ekonomıkanyń ósýine ákeledi. JOO arasyndaǵy básekelestik, bilim mazmunyn jańǵyrtý máselelerine toqtalyp ótti. Memleket basshysy jylda bilim salasyna qatysty mańyzdy usynystar aıtady. 2019-2020 jyldan bastap orta bilim júıesi túbegeıli jańarǵan bilim mazmunyna kóshedi», - dedi senator.
QR Parlamentiniń qos palatasynyń depýtattary óńirlerde saılaýshylarymen kezdesip jatyr.
Aıta ketý kerek, búgin QR Memleket basshysy Nursultan Nazarbaevtyń Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri atty kezekti Joldaýy jarııalaǵan bolatyn.
