Bilimdi, baqýatty jáne jalǵyzilikti er adamdar alkogolge úıir - ǵalymdar pikiri
ASTANA. QazAqparat - Ǵalymdar brıtandyqtardyń alkogoldi tutyný deńgeıi ómir deńgeıimen baılanysty ekenin anyqtady, dep habarlady mk-london.co.uk.
Brıtandyqtardy on jyl boıy baqylaı kelip, ǵalymdar alkogolge bilimdi, baqýatty jáne jalǵyzilikti er adamdar kóbirek urynatyny týraly toqtamǵa keldi.
Londonnyń Kılıa Ýnıversıteti men Ýnıversıtet kolledjiniń ǵalymdary eldiń 45 jastan asqan adamdarynyń alkogolge úıirligi deńgeıin zerttegen. Zertteýler jasy ulǵaıǵan saıyn adamdar spırtti 20 paıyz az ishetinin baıqady, alaıda jas ereksheligi basty faktor emes. Bul arada densaýlyq, jynysy, bilimi, otbasylyq mártebesi jáne kirister deńgeıi úlken ról atqarady. Adamdar baqýatty bolǵan saıyn ishimdikke kóbirek urynady. Otbasyly adamdar budan 10 jyl burynǵydan 11 paıyz kem ishedi. Densaýlyǵy jaqsy adamdar densaýlyǵy nasharlarǵa qaraǵanda kóbirek ishedi, al jalǵyzilikti áıelder erlerinen aıyrylǵannan keıin 16 paıyz az ishedi. Eń kóp ishetinder, bilimdi, baqýatty jalǵyzilikti er adamdar bolyp shyqty. Ǵalymdardyń pikirinshe, olar táýekeldiktiń negizgi tobyn quraıdy.
