Bilim jáne ǵylym júıesi básekelestiktiń birqatar ındıkatorynda tómen kórsetkishte tur - Bilim mınıstri
ASTANA. 9 jeltoqsan. QazAqparat - Bilim jáne ǵylym júıesi básekelestiktiń birqatar ındıkatorynda tómen kórsetkishte tur. Búgin Májilistegi Úkimet saǵatynda baıandama jasaǵan Bilim jáne ǵylym mınıstri Aslan Sárinjipov osylaı málim etti.
Mınıstr bilim salasynda birshama jetistikterge jetkenimizge qaramastan, bilim men ǵylym júıesi eldiń básekege qabilettilikti arttyratyn faktory bolýy kerektigin atap ótti. Onyń aıtýynsha, bıylǵy jyly Qazaqstan jahandyq básekege qabilettilik ındeksinde 144 eldiń arasynda 50 orynǵa ıe boldy. «Alaıda, bilim jáne ǵylym salasynyń alty ındıkatory boıynsha kórsetkishter tómen bolyp otyr. Máselen, bastaýysh bilimimen qamtý ındıkatory boıynsha 118 oryndamyz, ǵylymı-zertteý ındıkatorynyń sapasy boıynsha 108 orynda, ǵylymdar men ınjenerlerdiń qoljetimdiligi boıynsha 104 oryn, JOO men bıznestiń ǵylymı zertteý jáne tájirıbelik jumystar arasyndaǵy yntymaqtastyǵy boıynsha 90 oryndamyz. Osyǵan oraı, mınıstrliktiń úshjyldyq jumys josparyn jasap jatyrmyz. Ol atalmysh kórsetkishti jaqsartýǵa baǵyttalǵan», - deıdi A. Sárinjipov.
Bul rette mınıstr jumystardy júrgizýge resýrstar jetkilikti ekenin, alaıdy birqatar júıeli máselelerdi sheshýdiń qajettiligin alǵa tartty.
