Bilim jáne ǵylym vıtse-mınıstri qansha jalaqy alady
ASTANA. QazAqparat - QR Bilim jáne ǵylym vıtse-mınıstri Bıbigúl Asylova óz jalaqysynyń kólemin aıtty, dep habarlaıdy QazAqparat tilshisi.
«Bizde eshqandaı ústeme aqy, qosymsha tólemder joq. Men shamamen 600 myń teńge jalaqy alamyn. Bul aılyqty saıası memlekettik qyzmetshi retinde alyp otyrmyn", - dep jaýap berdi vıtse-mınıstr QR Bilim jáne ǵylym mınıstrligi alqasynyń keńeıtilgen otyrysynda jýrnalıster suraǵyna.
Bıbigúl Asylova memlekettik qyzmetshilerdiń jalaqysy memlekettik qyzmettegi eńbek ótiline jáne bilim deńgeıine tikeleı baılanysty ekenin atap ótti.
Ol 2016 jyldyń maýsym aıynan beri vıtse-mınıstr qyzmetin atqaryp keledi. Eńbek jolyn Kókshetaý oblystyq qarjy basqarmasynda bastaǵan. Uzaq jyldar boıy Qarjy mınıstrligi júıesinde jumys istedi jáne Ekonomıka men bıýdjettik josparlaý, Mádenıet, Aqparat jáne sport, Eńbek jáne halyqty áleýmettik qorǵaý mınıstrlikterinde, Statıstıka agenttikterinde túrli bólimder men basqarmalardy, departamentterdi basqarǵan.
