Bilim jáne ǵylym salasyndaǵy baqylaý komıtetiniń logotıpin jáne «Sapa belgisin» ázirleýge konkýrs jarııalandy
ASTANA. QazAqparat - Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti osy vedomstvonyń logotıpin (emblema) jáne «Sapa belgisin» ázirleýge konkýrs jarııalaıdy.
Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti bilim jáne ǵylym sapasyn basqarýdyń tıimdi ulttyq júıesin jasaýǵa baǵyttalǵan Bilim jáne ǵylym sapasyn baqylaýdyń ulttyq júıesin jańǵyrtýdyń tujyrymdamasyn ázirledi. Komıtettiń tujyrymdamalyq ıdeologııasyn bilim men ǵylymnyń sapasyn qoǵamdyq-kásibı baǵalaýdyń basym jaǵdaıyna kezeńdik aýysý mehanızmin jasaý men damytý baǵyttaryn jetildirý sharalary aıasynda tıimdi kommýnıkatsııalyq protsesterdi, qyzmetterin usynýda úzdik nátıje kórsetken bilim berý mekemeleri úshin Komıtet logotıpin (emblema), sondaı-aq «Sapa belgisin» ázirleý qajettiligi týyndaıdy. Osyǵan oraı, Bilim jáne ǵylym salasyndaǵy baqylaý komıtetiniń logotıpin (emblema) jáne «Sapa belgisin» ázirleýge konkýrs jarııalandy. Baıqaýǵa jumystar 2015 jyldyń 25 aqpanyna (qosa alǵanda) deıin qabyldanady. Jeńimpaz quramyna Komıtettiń qurylymdyq bólimsheleriniń basshylary enetin saraptama komıssııasynyń qorytyndy otyrysynda belgili bolady. Baıqaý qorytyndysy Komıtettiń resmı saıtynda 2015 jyldyń 2 naýryzynda jarııalanady. Logotıp pen Belgi yqshamdalǵan, qazirgi zamanǵa saı, biregeı, Komıtettiń jalpy tujyrymdamasyn bildiretin, sondaı-aq túrli-tústi jáne aq-qara nusqasynda aıqyn kórinetin bolýy qajet. Konkýrs jeńimpazyna noýtbýk, sondaı-aq QR BǴM Bilim jáne ǵylym salasyndaǵy baqylaý komıtetiniń Qurmet gramotasy tapsyrylady, dep habarlanǵan vedomstvonyń saıtynda.
