Bilim jáne ǵylym mınıstrligi mektepterde atqarylyp jatqan sharalarǵa baqylaýdy kúsheıtpek
TANA. 22 qyrkúıek. QazAqparat /Aıdar Ospanalıev/ - «Bilim týraly» Qazaqstan Respýblıkasynyń zańyna ózgerister men tolyqtyrýlar engizý týraly» zańy kúshine enetin bolsa,
eldegi mektepterdiń atqaryp jatqan isterin baqylaıtyn ortalyq organ qurylatyn bolady. Bul týraly búgin Parlament Senatynyń jalpy otyrysynda Bilim jáne ǵylym mınıstri Baqytjan Jumaǵulov málim etti.
«Elbasy 17 sáýirde mektepterdegi bilim sapasy tómendep ketkendigin aıtyp, álemdik tájirıbege súıene otyryp, ortalyqtan mekteptegi jaǵdaıdy tolyq baqylap otyratyn organ qurý mindetin qoıdy. Osyǵan qaraı qazir elimizdiń aımaqtarynda osyndaı departamentter qurylýda. Sol departamentterdiń basty jumysy mektepterdiń jaǵdaıyn baqylap, olarǵa monıtorıng júrgizip otyrý. Biz eń bastysy, Qazaqstanda qansha mektep barlyǵyn, onda qansha bala oqyp jatqandyǵyn jáne atqarylyp jatqan sharalar jóninde naqty bilip otyrýymyz kerek»,- dedi mınıstr.
Onyń sózine qaraǵanda, búginde elimizdegi mektepterde bolyp jatqan jaǵdaı jónindegi jaǵdaıdy baıandaıtyn tek ákimder. «Eger búgin talqylaýǵa usynylyp otyrǵan jańa zań kúshine enetin bolsa, mektepterdiń jaǵdaıyn jańasha baqylaıtyn bolamyz. Sonda biz mektepterdiń dırektorlary men aýdandyq, qalalyq, oblystyq bilim berý bólimderiniń basshylaryn taǵaıyndaý isine de aralasatyn bolamyz»,-dedi B.Jumaǵulov.
