Bilim jáne ǵylym mınıstrligi elimizde daıyndalatyn kadrlardyń biliktilik sapasyn basqarý júıesin qurýdy kózdep otyr - J.Túımebaev
qpannyń 24-i. QazAqparat /Aıdar Ospanalıev/ - Bilim jáne ǵylym mınıstrligi damyǵan memleketterdiń tájirıbelerine súıene otyryp, aımaqtyq, salalyq jáne ulttyq keńestermen turaqty jáne tyǵyz baılanys ornatpaq.
Osy ádis arqyly mınıstrlik ókilderi elimizde daıyndalatyn kadrlardyń biliktilik sapasyn basqarý júıesin qurýdy kózdep otyr. Bul týraly búgin eldegi kásiptik tehnıkalyq bilim berýge baılanysty Astanadaǵy Polıtehnıkalyq kolledjde ótken kóshpeli jıynda Bilim jáne ǵylym mınıstri Janseıit Túımebaev málim etti, dep habarlaıdy QazAqparat.
Onyń aıtýynsha, mınıstrlik ókilderi kadr daıyndaýdaǵy áleýmettik áriptestikti damytýǵa baǵyttalǵan 47 kelisimge qol qoıyp, olar osy ýaqytta júzege asyrylýda. Mınıstrlik kelisken kompanııalardyń qatarynda «QazMunaıGaz», «Qazaqstan temir joly», «Qazaqtelekom», «Qazaqmys», «Qazınjınırıng», «Qazposhta» sııaqty aktsıonerlik qoǵamdar bar. «Tek bir jyldyń ishinde ǵana eldegi oqý oryndary men kásiporyndar arasynda jasalǵan kelisimder 8 myńnan 16 myń 149-ǵa deıin artty. Jumys berýshiler jańadan jumysqa ornalasqaly júrgen mamandardyń biliktilikterin arttyrý úshin 6 myń jumys ornyn bóldi. Sondaı-aq kásiporyndardan jylyna 2 myń 400 adamdy qamtıtyn 12 oqý ortalyǵy quryldy. 469 ınteraktıvti oqytý quraldary ornalastyryldy», dedi mınıstr.
