Bilim jáne ǵylym mınıstrligi aldaǵy jyldarǵa qosymsha bilim berý júıesiniń salalyq baǵdarlamasyn ázirlep jatyr
ASTANA. 29 aqpan. QazAqparat - Bilim jáne ǵylym mınıstrligi aldaǵy alty jylǵa negizdelgen qosymsha bilim berý júıesin damytý salalyq baǵdarlamasyn ázirlep jatyr.
Bul týraly búgin Astanadaǵy semınar-keńeste atalǵan vedomstvonyń Mektepke deıingi jáne orta bilim departamentiniń dırektory Jańyl Jontaeva aıtty.
«Qazirgi kezde 2012-2017 jyldarǵa arnalǵan qosymsha bilim berý júıesin damytýdyń úlken salalyq baǵdarlamasyn daıarlaý tapsyrmasyn aldyq. Qosymsha bilim berýdiń pedagogtaryna biliktilik sanaty boıynsha ústeme aqy tóleý, qosymsha bilim berýdiń respýblıkalyq oblystyq uıymdaryn ashý boıynsha normatıvtik-quqyqtyq bazany qaıta qarastyrý turǵysyna jumys istep jatyrmyz»,-dedi departament dırektory.
J. Jontaevanyń sózine qaraǵanda, 1991 jyldan beri Qazaqstanda úıirmeler men sektsııalardyń, oqýshylar úıleriniń kólemi 1 727-den 621-ge deıin, ıaǵnı úsh esege tómendegen.
