Bilim jáne ǵylym mınıstri UBT tapsyratyn túlekterge sáttilik tiledi
ASTANA. 3 maýsym. QazAqparat - Búgin Qazaqstannyń mektep túlekteri Ulttyq biryńǵaı testini tapsyrýdy bastady.
Osyǵan oraı, QR Bilim jáne ǵylym mınıstri Baqytjan Jumaǵulov UBT-ny tapsyrý pýnkti uıymdastyrylǵan Astanadaǵy L.N.Gýmılev atyndaǵy Eýrazııa ulttyq ýnıversıtetine kelip, túlekterge sáttilik tiledi.
«Emtıhandaryńyz qutty bolsyn! UBT-da qoldanylatyn test tapsyrmalarynyń qory birneshe ret saraptamadan ótti. Qazaqstan tarıhy páni boıynsha test suraqtaryn táýelsiz sarapshylar tekserdi. Endi mektep túlekteri keleńsiz suraqtarǵa tap bolmaıdy. Sebebi onyń qorynan ondaı suraqtar alynyp tastaldy», - dedi mınıstr.
B. Jumaǵulovtyń aıtýynsha, bıyl UBT-ǵa 100 myńǵa tarta túlek qatysady. Búgin olardyń 25 myńy synaqtan ótedi. Osydan 10 jyl buryn Elbasy N.Nazarbaevtyń tapsyrmasymen Ulttyq biryńǵaı testileý Qazaqstanǵa engizilgen bolatyn.
Astanada UBT L.Gýmılev atyndaǵy Eýrazııa ulttyq ýnıversıtetinde, S.Seıfýllın atyndaǵy Qazaq agrotehnıkalyq ýnıversıtetinde jáne Qazaq gýmanıtarlyq zań ýnıversıtetinde ótedi. Alǵashqy kúnde UBT-ny 2 myń elordalyq túlek tapsyratyn bolady.
UBT-nyń árbir pýnktinde memlekettik komıssııalar, apellıatsııalyq komıssııalar jumys isteýde. Mınıstrlik janynan Respýblıkalyq apellıatsııalyq komıssııa quryldy.
Óńirlerde jergilkti atqarýshy organdar men memlekettik komıssııalar UBT-ny sátti ótkizý úshin barlyq jaǵdaılardy jasady.
