Bilim jáne ǵylym mınıstri UBT synaǵynan ótkeli otyrǵan túlekterge sáttilik tiledi

Astanada L.N.Gýmılev atyndaǵy Eýrazııa ulttyq ýnıversıtetine QR Bilim jáne ǵylym mınıstri Baqytjan Jumaǵulov kelip, UBT synaǵynan ótkeli otyrǵan túlekterge sáttilik tiledi.

 «Emtıhandaryńyz qutty bolsyn! Búgin men de sizdermen birge test tapsyryp turmyn. Mınıstr retinde meniń de sizder sııaqty qobaljyp, balalar jaqsy tapsyrsa eken dep júregim alańdap otyr», - dedi mınıstr.

 «Osydan 9 jyl buryn Elbasy N.Nazarbaevtyń tapsyrmasymen biz Ulttyq biryńǵaı testileýdi Qazaqstanǵa engizdik. Osy jyldar ishinde 1 mıllıon 125 myń adam osy testiden ótipti. Jyldan jylǵa synaq tapsyrmalary jaqsaryp keledi. Testi aldynda biz árbir oqýshymen jiti jumys jasadyq», - dep atap ótti B. Jumaǵulov.

 B. Jumaǵulovtyń aıtýynsha, bıyl 156 myń balanyń ishinen 121 myńy, ıaǵnı 78 paıyzy qatysaıyn dep otyr. Bıyl mınıstrlik balalarǵa jeńildik jasap, synaq ótkizýdiń ýaqytyn 15 kúnge deıin sozdy. Sonymen qatar appelıatsııa berý ýaqytyna 1 saǵat qosyp,  14 saǵatqa deıin uzartty.

  Mınıstrdiń habarlaýynsha, test tapsyrmalarynyń mazmuny bıyl taǵy bir ret tııanaqtalyp, qısynsyz nemese oqýlyqta joq suraqtardyń sany meılinshe azaıtylǵan. Testileýge usynylǵan 142 myń tapsyrmanyń barlyǵy eldegi eń úzdik ári tájirıbeli pedagogterdiń súzgisinen ótken.

 «Testilik tapsyrmalardyń ishinen men 108 suraqty aldyryp tastadym. Logıkalyq tapsyrmalardy kóbeıttik. Álemde UBT-dan jaqsy, basqa bir ádis tabylǵan joq. Eger túlektiń paıdasyna bir paıyzdyń ózi sheshilip tursa, men barlyq komıssııalarǵa túlekterdiń múddesine qaraı sheshim qabyldaýǵa tapsyrma berdim», - dep atap kórsetti B. Jumaǵulov.

 Túlekter test nátıjesin shamamen búgin keshki saǵat 17.00-18.00 saǵattarda bile alady. UBT tapsyrý naýqany kezeń-kezeńimen 15 maýsymǵa deıin jalǵasady.