Bilim jáne ǵylym mınıstri oqýlyq jazýǵa úlken jaýapkershilikpen qaraýǵa shaqyrdy
ASTANA. Tamyzdyń 27-si. QazAqparat - Bilim jáne ǵylym mınıstrligi oqýlyq jazýǵa zor jaýapkershilikpen qaraýǵa shaqyrady. Bul týraly búgin QR Bilim jáne ǵylym mınıstri Janseıit Túımebaev BNews.kz portalynda «Qazaqstandaǵy bilim berý: múmkindikteri, keleshegi, ınnovatsııalar» taqyrybynda ótken on-laın konferentsııa barysynda aıtty.
Sońǵy jyldary elimizde birneshe ondaǵan oqýlyq jaryq kórgenimen, olardyń sapa ólshemderine sáıkes kelmeıtindigin atap ótken mınıstr «elimizde myńdaǵan oqýlyq jaryq kóredi. Sońǵy jyldardyń ishinde ǵana biz júrgizgen saraptamaǵa 10 myńnan astam oqýlyq tústi. Alaıda olardyń 30 paıyzyn ǵana paıdalanýǵa usyndyq», dedi.
J.Túımebaev oqýlyq jazý qıyn ekendigine basa nazar aýdaryp, sarapshylarǵa, ǵalymdarǵa, oqýlyq avtorlaryna bul problemaǵa zor jaýapkershilikpen qaraýǵa ári atalǵan taqyrypty talqylaýǵa shaqyrdy. Sondaı-aq ol qazirgi tańda mınıstrlik oqýlyqtardy bekitýdiń jańa erejesin ázirlegendigin atap ótti.
