Bilim jáne ǵylym mınıstri men ákimderge úsh kúnniń ishinde balabaqshalarǵa arnalǵan nysandar máselesin sheshý boıynsha naqty tapsyrma berildi - selektorlyq keńes
ASTANA. Qarashanyń 16-sy. QazAqparat /Rýslan Ǵabbasov/ - Búgin Úkimette ótip jatqan selektorlyq keńeste Premer-Mınıstr Kárim Másimov Bilim jáne ǵylym mınıstri men ákimderge úsh kúnniń ishinde balabaqshalarǵa arnalǵan nysandardyń máselesin sheshý boıynsha naqty tapsyrma berdi,
dep habarlaıdy QazAqparat.
«Men naqty tapsyrma beremin. Atap aıtqanda, Janseıit Túımebaev pen ákimder sársenbige deıin ár oblys, ár qala boıynsha, ıaǵnı birinshi kezekte Astana men Almatyda bizdegi múmkindiktermen satyp alynǵan memlekettik nysandarda balabaqshalardy jasaqtap, jergilikti jerlerde tárbıeshiler daıyndaýdy qarastyrý kerek», dedi Úkimet basshysy.
Osyǵan baılanysty Premer-Mınıstr balabaqsha nysandaryn tolyqtyrýǵa baılanysty usynystardy ázirleýge úsh kún ýaqyt beriletindigin qadap aıtty. K. Másimov bul baǵytta jeke bıznesti tartý, sondaı-aq jaqyn arada balabaqsha nysandaryn toptastyrý kerektigin jetkizdi.
