Bilim jáne ǵylym mınıstri Qazaqstannyń úzdik ustazdaryna jańa mindetterdi júktedi

«Nazarbaev ýnıversıteti múldem bólek prıntsıp - bilim berý, ǵylym jáne ınnovatsııa boıynsha quryldy. Búginde bul qazirgi zamandy biriktirip otyrǵan úshtik. Onsyz qarqyndy damý bolmaıdy. Sondyqtan Nazarbaev ýnıversıtetinde jasalǵan júıeni otandyq joǵary mektepterge beıimdep, engizý maqsaty tur. Buny iske asyratyn alǵashqy jol salýshy sizder bolasyzdar», - dep atap ótti mınıstr.

B.Jumaǵulovtyń aıtýynsha, búginde bilim júıesi túbegeıli ózgeristerge ushyraǵan. Onyń basty maqsaty jastarymyzdyń boıynda bilimdi ózdigimen izdep, sýsyndaý, sol bilimdi kúndelikti ómirde jarata bilý eptiligin qalyptastyrýǵa baǵyttalyp otyr. Mamandardy daıarlaý isi de tolyǵymen jańasha kózqaraspen jasaqtalýda.

«Biz qazirgi ýaqytta bolashaq mamandardyń kásibı standarttaryn jasaýdamyz. Joǵary mektepterdegi úderister de jańartylýda. Qazaqstan jyl saıyn sheteldiń eń úzdik myńnan astam professorlary shaqyrylady. Eshbir elde bıýdjettik qarajattyń esebinen shetel professorlaryn shaqyrý baǵdarlamasy joq. Stýdentterdiń akademııalyq jedeldigi de bıýdjettik baǵdarlamamen iske asyrylady. Álem elderi bul baǵdarlamany tek stýdentterdiń esebinen iske asyrýda. Bunyń barlyǵy Memleket Basshysynyń tikeleı qoldaýynyń arqasynda», - dep atap ótti ol.

Eske sala keteıik, Qazaqstannyń 200 ustazy «Joǵary oqý ornynyń úzdik oqytýshysy» ataǵymen marapattaldy. Ataq ıegerleri álemniń Ulybrıtanııa, Germanııa, Frantsııa, Italııa, Ispanııa, Belgııa, Polsha, Chehııa, Vengrııa, Shvetsııa, Avstrııa, Bolgarııa, Lıtva, Latvııa, Reseı jáne basqa da elderdiń úzdik joǵary oqý oryndarynda tájirıbeden ótýge múmkindik beretin granttarǵa ıe boldy.