Bilim jáne ǵylym mınıstri halyqty Bilim kúnimen quttyqtady
ASTANA. 1 qyrkúıek. QazAqparat - Qazaq aqparat agenttigi oqyrmandar nazaryna QR Bilim jáne ǵylym mınıstri Baqytjan Jumaǵulovtyń búgingi Bilim kúnimen halyqty quttyqtaý sóziniń mátinin usynady.
Qurmetti ustazdar men ata-analar!
Qadirli oqýshylar men stýdentter!
Bilim kúni shyn máninde búkil halyqtyq merekege aınaldy! Bul meıramnyń árbir adam ómirinde alar orny erekshe. Ásirese, mektep tabaldyryǵyn tuńǵysh attaıtyn balalardyń júreginde búgingi kún máńgige saqtalady. Búldirshinder úshin bul sáýleli sát qana emes, sonymen qatar jarqyn bolashaǵyna jasaıtyn mańyzdy qadam da. Sondyqtan, olardyń bilim shańyraǵyndaǵy ár saǵaty qyzyqty sabaqtarmen, tańǵajaıyp jańalyqtarymen ushtassyn! Myńdaǵan oqýshylar men stýdentter, bilim men ǵylym salasyndaǵy ustazdar men oqytýshylar, barsha qyzmetkerler úshin BІRІNShІ QYRKÚIEK jańa bastamalardyń, jańa izdenisterdiń, jańa ıdeıalardyń sımvoly. Eńbektiń eń úlkeni - Bilim! Jahandaný protsesi barysynda biz bilim sapasyna erekshe kóńil bólýimiz kerek! Sonda ǵana básekege qabiletti el bolamyz. Táýelsiz elimizdegi bul mańyzdy sala memleket basshysy Nursultan Ábishuly NAZARBAEVTYŃ aıryqsha nazarynda ekenin bári biledi. JALPYǴA ORTAQ EŃBEK QOǴAMYNA QARAI 20 QADAM atty maqalasynda Elbasy bilim júıesin álemdik standarttarǵa jeteleıtin birqatar mańyzdy tapsyrmalar júktedi. Bul arqyly Ult kóshbasshysy bilim salasyna, ustazdar men jastardyń áleýmettik máselelerin sheshýge únemi kóńil bólip otyratynyn kórsetedi.
Qadirli dostar!
Jańa oqý jyly barshańyzdy jańa jetistikterge jetelesin! Oqýda da, eńbekte de alda bolaıyq! Mereke qutty bolsyn !
Baqytjan JUMAǴULOV, QR Bilim jáne ǵylym mınıstri
