Bilim jáne densaýlyq mamandary búgingi jastar problemasyn talqylady
QYZYLORDA. QazAqparat - Qazaqstan sońǵy onjyldyqta jyl saıyn 15-29 jas aralyǵyndaǵy 200-ge jýyq jas azamattan aıyrylyp keledi.
Bul týraly búgin «Jastar densaýlyǵy men ómirlik daǵdylary: zamanaýı tásilder men ozyq tájirıbeler» taqyrybyndaǵy respýblıkalyq ǵylymı-tájirıbelik konferentsııa barysynda málim boldy, QazAqparat HAA tilshisi.
Konferentsııa jumysyna elimizdiń barlyq óńirinen bilim jáne densaýlyq saqtaý basqarmalarynyń ókilderi, Respýblıkalyq psıhıkalyq densaýlyq ǵylymı-praktıkalyq ortalyǵynyń jáne úkimettik emes uıymdardyń sarapshylary qatysty.
Kóp jaǵdaıda úlken ómirge jańadan qadam basqan jastardyń aınalada bolyp jatqan problemalarǵa tótep berýge jáne óz densaýlyǵyna kóńil bólýge ómirlik tájirıbesi bolmaıdy. Bul teris áreketterge, sonyń ishinde óz-ózine qol salýǵa deıingi túrli qaýip-qaterli faktorlarǵa ákep soǵýy múmkin.
QR Bas prokýratýrasynyń málimetine sáıkes, sońǵy onjyldyqta jyl saıyn 15-29 jas aralyǵyndaǵy 200-ge jýyq jas azamattan aıyrylyp kelemiz. Osylaısha jastar arasynda óz-ózine qol jumsaý travmatızmnen keıingi ekinshi orynda tur.
Jasóspirimder arasyndaǵy sýıtsıdtiń aldyn alýǵa baǵyttalǵan sharalardy izdestirý nátıjesinde QR Densaýlyq saqtaý mınıstrligi ıÝNISEF ókildigimen birlesip jasóspirimder men balalar arasyndaǵy sýıtsıdke qarsy jobany qolǵa aldy. Bul joba 2015 jyly Kyzylorda oblysynyń aýmaǵynda sátti júzege asyrylyp, nátıjeleri ǵylymı-tájirıbelik konferentsııada sarapshylarmen talqylandy.
