Bilim uıymdarynan 75 myńnan astam adam senbilikke shyǵady - Astana
ASTANA. 17 sáýir. QazAqparat - 20 sáýirde Astana turǵyndary 10 sáýir men 10 mamyr aralyǵynda qala ákimdigi jarııalaǵan ekologııalyq senbilik aıasynda jalpyqalalyq senbilikke shyǵady.
Oǵan ózderiniń aýlalary men kóshelerin jınap, saıabaqtar men gúlzarlardy qalypqa keltirý, aǵash otyrǵyzý úshin barlyq qala turǵyndary qatysady. Bul týraly astana.kz saıty habarlaıdy.
Bilim basqarmasy bul is-sharaǵa sáýir aıynyń basynan beri daıyndyq jumystaryn júrgizýde. 8 sáýir kúni Bilim basqarmasynyń alqa májilisinde jalpyqalalyq senbilikke daıyndyq máselesi men ony uıymshyldyqpen ótkizý qaralǵan bolatyn.
Bir aı boıy Bilim basqarmasy osy bir qoǵamdyq paıdaly jumysqa ata-analar men balalardy, mektep jáne kolledj oqýshylaryn tartý úshin birqatar aktsııalar ótkizdi.
Mektepterde senbiliktiń qala tazalyǵy úshin máni men mańyzy týraly túsinik jumystary júrgizilip, «Meniń aýlam - meniń kóshem» atty synyp saǵattary, sondaı-aq, ata-analarǵa hat jazylyp, senbilikti ótkizýdiń nusqaýlyǵy jasaldy.
Barlyq bilim mekemelerine 11 sáýir kúni ata-analar úshin 89 myń flaıer jiberildi.
Bilim basqarmasy 13 sáýir kúni pedagogıkalyq ujymdar men mektep oqýshylarynyń qatysýymen ekologııalyq senbilikti bastap ta ketti. Bul kúni qala kóshelerin retke keltirý úshin 38117 pedagog pen oqýshy shyqty. Sonyń ishinde Saryarqa aýdanynan - 18554, Almaty aýdanynan - 16857 jáne Esil aýdanynan 2706 pedagog pen oqýshy qatysty.
Vedomstvodan habarlaǵandaı, 20 sáýirde ótetin jalpyqalalyq senbilikke bilim uıymdarynan - 77718 ókil, sonyń ishinde, Saryarqa aýdany boıynsha - 36322, Almaty aýdany boıynsha - 35379, Esil aýdanynan - 5937, Bilim basqarmasynan 80 adam qatysýy josparlanǵan.
