Bilim taqyrybyn kótergen jarııalanymdarǵa irikteý jarııalandy
ASTANA. Aqpannyń 11-i. QazAqparat /Ernur Aqanbaı/ - Halyqaralyq bıznes akademııasy men Qazaqstannyń medııa alıansy birlesip Qazaqstan Respýblıkasyndaǵy bilim taqyrybyn kótergen avtorlar men BAQ redaktsııalarynyń jarııalanymdaryna irikteý jarııalady.
Monıtorıng nátıjesinde 2009 jyldyń úzdik dep tanylǵan jumystaryna «Synaq-2009» ataǵy beriledi, dep habarlaıdy QazAqparat.
Baıqaýdyń maqsaty - jurtshylyqtyń nazaryn Qazaqstandaǵy bilim berý máselelerine aýdarý, qoǵamdy elimizde, shetelde sapaly bilim alý múmkindikteri týraly habardar etý bolyp sanalady. Al negizgi mindeti - elimizdegi bilim berý problemalaryn tereń ári shynaıy baıandaý úshin BAQ-tyń qyzyǵýshylyǵyn arttyrý, sondaı-aq bilim berý taqyrybyna jazatyn jýrnalısterdiń biliktiligin joǵarylatý. Baıqaý jeńimpazdaryn táýelsiz ádilqazylar anyqtaıtyn bolady. Jeńimpazdardy marapattaý rásiminiń ótetin orny men ýaqyty qosymsha habarlanady.
