Bilim salasynyń mamandary saılaýǵa belsendi túrde qatysady - Balsulý Naýryzbaeva

NUR-SULTAN. QazAqparat - Elordadaǵy bilim salasynyń mamandary saılaý naýqanyna belsendi túrde qatysady. Bul týraly sarapshylyq kezdesý barasynda Nur-Sultan qalasy «Ádilet» Bilim qyzmetkerleri kásipodaǵynyń tóraıymy Balsulý Naýryzbaeva málim etti, dep habarlaıdy QazAqparat tilshisi.

«Memleket basshysy Qasym-Jomart Toqaev kezekten tys prezıdenttik saılaýyn 9 maýsymynda ótkizý týraly sheshimin qabyldaǵannan keıin, sarapshylar bul sheshimniń mańyzdylyǵyn quptap otyr. Atap aıtqanda, eldiń ekonomıkasyn, áleýmettik jaǵdaıyn kóterý baǵytynda jalpyhalyqtyq daýys berý nátıjesinde saılanǵan Prezıdenttiń bolýyn qajet etedi», - dep toqtaldy B. Naýryzbaeva.

Budan bólek ol Elbasy Nursultan Nazarbaev shet memlekettermen óte jaqsy qarym-qatynasty ornatqanyn aıta kele, jańadan saılanatyn Prezıdent osy baǵytty ary qaraı jalǵastyratynyna senim artty.

Sonymen qatar kásipodaq tóraıymy bilim salasynyń mamandary saılaý naýqany kezinde ózderiniń laıyqty úlesin qosatynyn atap ótti.

«Saılaýdyń ádiletti ári ashyq ótetinine senemiz. Sonymen qatar Qazaqstan halqy durys tańdaý jasasa, saılanǵan Prezıdentimiz eldiń tynyshtyǵyn oılap, ary qaraı ekonomıkamyzdy kóterip, eldiń ıgiligine qyzmet etedi dep oılaımyz. Búgin bilim salasy mamandarynyń qatysýymen jınalys uıymdastyrylady. Osy oraıda barlyǵymyz birigip saılaýǵa belsendi qatysyp, daýys beretin bolamyz», - dedi Balsulý Naýryzbaeva.

Aıta keteıik, «Qazaqstandaǵy kezekten tys prezıdenttik saılaý-2019» sarapshylyq kezdesýine «Nur-Sultan qalasy kásipodaqtar ortalyǵy, kásiptik odaqtar ókilderi, úkimettik emes uıymdar, ǵylymı qaýymdastyqtar qatysty.