Bilim salasynda 30 jyldan astam eńbek etken ustaz «Eńbek ardageri» medalin alady
«Pedagogtardy marapattaý tetikterin ózgertý máselesi pysyqtalyp jatyr. «Marapat óz ıesin tabady» degen halyq danalyǵy bar. Muǵalim qoǵamnyń basty tulǵasyna aınalýǵa tıis. Qazaqtyń uly aǵartýshy aqyny Maǵjan Jumabaev «Alty alashtyń balasy bas qossa, tór – muǵalimdiki» dep aıtyp ketken», - dedi mınıstr Bilim salasy qyzmetkerleriniń respýblıkalyq tamyz keńesinde.
Onyń atap ótýinshe, mınıstrlikke pedagogtar tarapynan uzaq jyldar boıy jumys istese de, eńbegine oraı esh nagrada almaǵany jaıly shaǵym jıi túsedi.
«Bizdiń árqaısymyz úshin ustaz – ómir jolymyzdy aıqyndaıtyn, tulǵa bolyp qalyptasýymyzǵa negiz qalaıtyn adam. Ustazdar talaı urpaqty oqytyp, tárbıeleıdi. Sondyqtan da biz pedagogtyń burynǵy ımıdjin odan saıyn kóterýge mindettimiz. Ol úshin mınıstrlik bilim salasynda 30 jáne odan da kóp jyl jumys ótili bar muǵalimderdi «Eńbek ardageri» medalimen marapattaý jóninde sheshim qabyldady», - dedi Ǵanı Beısembaev.
