Bilim salasynda 18 myńnan astam mamanǵa suranys bar

NUR-SULTAN. QazAqparat - Elektrondyq eńbek bırjasynda qyrkúıek aıynda kásiporyndar tarapynan kadrlarǵa, sondaı-aq jumys izdep júrgen adamdarǵa suranystyń ósimi baıqaldy. Bul týraly QazAqparat «Eńbek resýrstaryn damytý ortalyǵyna» silteme jasap habarlaıdy.

Ortalyqtyń habarlaýynsha, qyrkúıekte Elektrondyq eńbek bırjasyna 137,9 myń bos jumys orny (+22%) jáne 62,2 myń túıindeme (+8%) ornalastyryldy. Oqý jylynyń bastalýyna baılanysty bos oryndardyń eń kóp sanyn bilim berý salasyndaǵy uıymdar bergen. Qyrkúıek aıynda da bilim berý salasyndaǵy mamandarǵa degen suranys artyp otyr – 18 myńnan astam bos jumys orny, bul mektepterde, kolledjderde jáne JOO-larda dástúrli oqytý formatyna qaıta oralýǵa baılanysty bolyp otyr.

Bilim berý júıesi úshin kadrlarǵa maýsymdyq qajettilikpen qatar naryqta ot jaǵýshylarǵa, qazandyq operatorlary men qazandyq mashınısterine (ot jaǵýshylar) suranystyń ósýi baıqalady, olar úshin ótken aıǵa qaraǵanda ósim 2,9 myńǵa jýyq bos oryndy qurady. Al qyrkúıek aıynda olarǵa degen jalpy qajettilik 3 myńnan astam bos oryndy qurady.

Osy aıda suranys serpinine áser etken taǵy bir faktor Qazaqstan halqynyń jalpyulttyq sanaǵy boldy. Máselen, EEB-da 7,8 myń ıntervıýer bos orny jarııalandy, tamyz aıymen salystyrǵanda ósim 5,3 myńdy qurady, óńirler bólinisinde ıntervıýerler úshin bos oryndardyń eń kóp sany Túrkistan, Shyǵys Qazaqstan, Almaty jáne Jambyl oblystarynda ornalastyryldy.