Bilim salasyna jemqorlyqty joıatyn jańa jobalar engiziledi
Oblys ákimdigi baspasóz qyzmetiniń habarlaýynsha, is sharanyń maqsaty - bilim salasyndaǵy sybaılas jemqorlyq deńgeıin tómendetý, ata - analardan, oqytýshylardan zańsyz aqsha jınaýdy toqtatý máselelerin keńinen talqylaý.
Otyrysqa tóraǵalyq etken oblys ákiminiń orynbasary Ulasbek Sádibekov aımaqta bilim salasy sybaılas jemqorlyq qaýpi joǵary sala ekeni Elbasy tarapynan synǵa ilingenin aıtyp, bilim berý uıymdarynyń basshylaryna jemqorlyq táýekelderin tómendetý baǵytynda naqty sharalar qabyldaýdy tapsyrdy.
Kezdesýde sóz alǵan QR Memlekettik qyzmet isteri jáne sybaılas jemqorlyqqa qarsy is-qımyl Agentti Túrkistan oblysy boıynsha departamentiniń basshysy Ǵ.Tursynbaev memleket tarapynan sybaılas jemqorlyqtyń aldyn alý baǵytynda júıeli jumystar júrgizilap jatqanyna qaramastan bilim salasynda áli de bolsa jemqorlyq deńgeıi joǵary ekenin atap ótti.
Ol óz sóziniń sońynda bilim berý salasynda ashyqtyqty qamtamasyz etý jáne sybaılas jemqorlyq deńgeıin tómendetý baǵytynda birqatar naqty usynystar engizdi. Atap aıtqanda, ortalyqtandyrylǵan qarjylandyrý júıesin engizý, muǵalimderdi jumysqa qabyldaýdy mektep dırektorlarynyń quzyrynan alyp, bul jumysty qoǵam belsendilerinen qurylǵan konkýrstyq komıssııa múshelerine berý, muǵalim laýazymy úmitkerleri úshin testileý baǵdarlamasyn ázirleý, tehnıkalyq qyzmetkerlerdi jumysqa qabyldaýdy aýtsorsıngke berý.
«Sondaı-aq, bilim berý uıymdaryna memleket tarapynan bólinetin qarajat týraly aqparatty sol uıymdardyń barshaǵa kórinetin jerlerine ilip qoıý kerek», - deıdi ol.
Buǵan qosa, Nazarbaev zııatkerlik mektebiniń dırektory B. Qasymov muǵalimderdi jumysqa jáne oqýshylardy mektepke qabyldaýdaǵy ashyqtyqty qamtamasyz etý boıynsha óz mektebindegi tájirıbemen bólisti. Al Ulttyq bıýro Departamenti basshysynyń orynbasary Á.Jorabekov osy salada oryn alǵan qylmystar týraly baıandama jasap, sońynan ustalǵan mektep dırektorlaryna qatysty vıdeo túsirilimder kórsetti.