Bilim salasy qyzmetkerleriniń І sezi aıasynda birqatar kelisimderge qol qoıylady

Bul týraly búgin Astanada ótken baspasóz máslıhatynda QR Bilim jáne ǵylym mınıstri Janseıit Túımebaev málim etti, dep habarlaıdy QazAqparat.

«Sezd baǵdarlamasy aıasynda QR Bilim jáne ǵylym mınıstrligi men Armenııa Bilim mınıstrligi arasynda yntymaqtastyq jónindegi úkimetaralyq kelisimge qol qoıý qaralyp otyr»,-dedi mınıstr.

J. Túımebaevtyń sózine qaraǵanda, Qazaq respýblıkalyq Biliktilikti arttyrý ınstıtýty men Reseı Federatsııasy Biliktilikti arttyrý jáne kásibı qaıta daıarlaý akademııasy arasynda yntymaqtastyq jónindegi kelisimge qol qoıý josparlanyp otyr.

Atalǵan sezd aıasynda «Kitap - halyqtardyń áleýmettik-mádenı jaqyndasýynyń tóte joly» taqyrybanda balalar ádebıetteri men oqýlyqtarynyń, jalpy bilim salasyndaǵy jetistikterdiń baǵytyna negizdelgen kórme uıymdastyryldy. Oǵan elimizdiń, sondaı-aq Belarýs, Reseı, Tájikstan, Qyrǵyzstan, Armenııa memleketteriniń birqatar jetekshi baspalary qatysýda.