Bilim nysandaryn pasporttaýdan ótkizý qajet - Qazaqstannyń sport odaǵy
ASTANA. 20 qańtar. QazAqparat /Jasulan Amanbaıuly/ - Qazaqstannyń sport odaǵy sport mamandary men qajetti jaraqtardyń shynaıy qajettilikterin anyqtaý maqsatynda bilim obektileriniń barlyǵyn keshendi pasporttaýdan ótkizýdi usynady.
Búgin «Qazaqstan sport odaǵy» ZTB-niń tóraǵasy Erlan Janǵulov Astanada «Nur Otan» HDP-niń Ortalyq apparatynda ótken «Buqaralyq sport. Damý jaǵdaıy men bolashaǵy» atty respýblıkalyq dóńgelek ústel jıynyndaǵy baıandamasynda osylaı dedi.
«Balalardyń dene shynyqtyrýmen aınalyspaýy, az qımyldaýy olardyń arasynda kóptegen aýrýlardyń kóbeıýine alyp keldi. Bul jaǵdaıdy ózgertý úshin mektep baǵdarlamasyna ózgerister engizilip, dene shynyqtyrý sabaǵy aptasyna 3 ret ótkiziletin boldy. Alaıda tájirıbede kórsetikenindeı, keı mektepterde sporttyq zaldarda 4 synyptyń oqýshylary bir ýaqytta daıyndalýǵa májbúr bolǵan. Al keıbir mektepterdegi sporttyq quraldar Keńes dáýirinen beri qoldanyp kele jatyr. Aýyldyq jerlerde tipti sporttyq bólmeleri joq eldimekender de bar»,-deıdi E. Janǵulov.
«Osyndaı máselelerdi sheshý úshin Qazaqstannyń sport odaǵy sport mamandary men qajetti jaraqtardyń shynaı qajettilikterin anyqtaý maqsatynda bilim obektileriniń barlyǵyn keshendi pasporttaýdan ótkizýdi usynady»,-dep túıdi sózin Odaq tóraǵasy.
Onyń aıtýynsha, pasporttaý kezinde mektepterdegi sporttyq zaldardyń kólemin sáıkestendirý jáne olardy ashyq alańdarmen, tolyq sporttyq jabdyqtarmen qamtý qajettilikteri qamtamasyz etilýi tıis. Sondaı-aq pasporttaý sharasy oqytýshy quramnyń jetkilikti deńgeıi men ustazdardyń biliktiligin arttyrý máselesin sheshýge septesedi.
