Bilim nesıesin alǵandar qaryzdaryn áli qaıtaryp jatyr - Qarjy ortalyǵy
ASTANA. QazAqparat - 1999-2005 jyldary memlekettik bilim berý nesıesin alǵan myńdaǵan azamattar áli kúnge deıin óz qaryzdaryn tolyǵymen ótegen joq, dep habarlaıdy QazAqparat tilshisi.
«Qarjy ortalyǵy» AQ prezıdenti Asqar Ibraımovtyń aıtýynsha, boryshkerlerdiń kóbisi qaryzdy sotqa deıin tóleýge tyrysady.
«Iá, halyqtyń jaýapkershiligi baıqalady. Sebebi bilim nesıesin alǵandardyń basym bóligi isti sotqa jetkizbeı, óz qaryzdaryn tólep jatady. Qazirgi kezde shamamen 15 myń adam qaldy. Olardyń barlyǵy qaryzdaryn aqyryndap tólep jatyr. Endi, bunyń barlyǵy memlekettiń aqshasy ǵoı. Sondyqtan ony qaıtarý qajet», - dedi A.Ibraımov QazAqparat tilshisine bergen suhbatynda.
Aıta keteıik, 1999-2000 jyldary Úkimettiń arnaıy qaýlysy negizinde memlekettik bilim berý nesıeleri berilgen bolatyn. Atalǵan nesıelerdiń ýaqyty - 15 jyl. 2005 jyly QR Prezıdenti jasaǵan Joldaýdan keıin nesıemen oqyǵandardyń barlyǵy memlekettik grantqa aýystyryldy. Alaıda úsh jaqty kelisimshart boıynsha oǵan deıingi nesıeniń aqshasy memleketke qaıtarylýy shart.
