Bilim mınıstrliginiń jańa portalynda balabaqsha kezegine tirkelý múmkindigi qarastyrylmaq
ALMATY. QazAqparat - Búgin Almatyda ótken brıfıng barysynda QR BǴM mınıstri Aslan Sárinjipov mınıstrlik negizinde ashylatyn jańa veb-saıt jóninde aıtyp ótti.
"Meniń blogyma kúnine 70-200 suraq keledi. Bul mınıstrlik úshin tym úlken júkteme. Reglament boıynsha biz suraqtarǵa úsh kúnniń ishinde jaýap berýimiz kerek. Blogqa keletin suraqtardyń kólemin azaıtý úshin jańa aqparat portaly qajet. Sondyqtan jaqyn arada mınıstrlik bazasynda jańa veb-saıt ashýdy josparlap otyrmyz", - dedi mınıstr.
Onyń aıtýynsha, jańa portal azamattardy qajetti aqparattarmen qamtyp qana qoımaı, belgili bir onlaın qyzmetti paıdalanýǵa múmkindik beredi.
Máselen, balalardy balabaqsha kezegine tirkeý, onlaın tirkeý qyzmetteri halyqqa qoljetimdi bolmaq.
"Atalǵan saıt boıynsha jumys bıyl jazda aıaqtalady. Bul resýrs mınıstrliktiń jumysyn birshama jeńildetetin bolady. Sondaı-aq, mınıstrlik jumysynyń móldirligi men tazalyǵyn qamtamasyz etedi dep oılaımyz", - dedi QR BǴM basshysy.
